منتدى الجيل الجديد
أهلا وسهلا بك زائرنا الكريم، إذا كانت هذه زيارتك الأولى للمنتدى الجيل الجديد، فيرجى التكرم بزيارة الصفحات. كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

منتدى الجيل الجديد

 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
كم أتمنى أن تتسع صفحات منتدياتنا لقلمك وما يحمله من عبير مشاعرك ومواضيعك وآرائك الشخصية التي سنشاركك الطرح والإبداع فيها مع خالص دعواي لك بقضاء وقت ممتع ومفيدCool Very Happy

شاطر | 
 

  ما دير خير ما يطرى باس و تاكل العصا من الفوق

اذهب الى الأسفل 
كاتب الموضوعرسالة
lamia

avatar

عدد المساهمات : 159
نقاط : 14533
السٌّمعَة : 54
تاريخ التسجيل : 05/03/2011

مُساهمةموضوع: ما دير خير ما يطرى باس و تاكل العصا من الفوق   الإثنين أبريل 11, 2011 11:43 am

السلام عليكم ورحمة الله تعالى و بركاته
خوتي الفلاحة خواتاتي الفلاحات قبل ما نبدى موضوعي لي نعاودو ليكم كي الخرافة
نصيحة ديما دخلو سوق راسكم
علاش هاد النصيحة الغريبة ؟؟!!
تجربة ديالي الأليمة هي الجواب
كان يا مكان خوكم يحيى زعما أنا غادي مسركل فكازا حاني
راسي طبعا مكنشوف فتا وحدة أو حد ههه شاد 11 مسكع درب يجرني لدرب قنت
يجرني لقنت زنجة تجرني لزنجة حتى كنسمع شي غوات ديال شي بنت

اواااه
كندور كنقلب والدنيا خاوية كتبان لي واحد السيدة فجلابتها و هازة واحد
الساك وتابعها واحد السيد مهم هو كلمة سيد غاتخيلوه فشكل اخر نقولو تابعها
واحد البلطجي ههه كيسلخ فيها

خوكم
الشهامة ميمكنش تانا عندي خواتاتي منبغيش هادشي ضربتها بجرية سوبرمان صافي
هه كنجري محدي كنقرب وداك البلطجي كيبان لي غادي وكيكبار هه وصلت موراه
استجمعت الشجاعة وشديتو من اللور ويا ريتني ما شديتو دار مخنزر غير شاف في
طاحت مني خمسة كيلو (بقات شي تلاتين ههه) قلت ليه خوي ياك لاباس حشومة راه
غير امرة -هادي اخر حاجة قلتها داك سيمانة- بكلمات مبهمة وصوت كزئير ديال شي رعدة قالي شلااااهوااا و دفال كيطير فالانحاء تاماااالك يا : ''''' تشويش لاسباب امنية ''''' .

هادي
الكلمات الوحيدة لي سمعت منو شنق علي فهاديك المرحلة كنت صافي عرفت المصير
الحتمي ديالي خصوصا اني مكنعتارفش بالعنف البدني جبد علي بتصرفيقة فكروشي
تما انا صافي فقدت اي امل فالتفاوض

ولكن
واخا كناكل فالعصا هانية مهم المرة مسكينة متاكلهاش واخا فهاديك المرحلة
وليت طامع فيها تحامي علي ههه حتى فيقتني ضربة الغدر من اللور شكووووون
زايد كيضربني

قولوا نتوما شكوووون؟ المرة كضربني بالساك
لمرة الاولى قلت بغات تضربو هو و جات في حتى لقيتها معايا انا وكتقلي طلق من راجلي وكتسرخ
صدق راجلها اللي
مافهمتش لاش كتقلي طلق منو واش ان شادو سيد كيسلخ في و هي من اللور وكندور
عينيا كلقى بنادم مجوق علينا معرفت منين خرجوا كانت الدنيا خاوية وشي
وحدين كيقولوا واش شفار شفار

صافي
تما انا وليت غير شطيطة فيدو سلمت للامر الواقع و كنتسنى عزراين حتى جا
واحد السيد مسكين جرني من وسط ديك الجوقة وعيني زرقة وخوكم مكرفس حالتو
تشفي كنجر أديال الهزيمة.

من هاد القصة الأليمة خرجت ببعض الاستنتاجات

  1. ديما دخل سوق راسك و ديها فالجهة لي ضاراك
  2. المرأة غدارة
  3. لي بغا يغير المنكر يغيرو بقلبو

والسلام عليكم ورحمة الله و نتمنى تستفدو من تجربتي المريرة
و أخيرا صدق من قال
ما دير خير ما يطرى باس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ما دير خير ما يطرى باس و تاكل العصا من الفوق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الجيل الجديد :: الفكاهة و النقد الساخر-
انتقل الى: